काठमाडौँ । भिजन लुम्बिनी ऊर्जा कम्पनी लिमिटेडले निष्काशन गरेको आइपिओ (भोलि) मङ्गलवार बाँडफाँड हुने भएको छ।
बिक्री प्रबन्धक मुक्तिनाथ क्यापिटलले मङ्सिर ५ गते बिहान आइपिओ बाँडफाँड गर्ने तयारी गरेको हो। कम्पनीले कार्तिक १६ देखि कार्तिक २० गतेसम्म सर्वसाधारणलाई २० लाख ७५ हजार २ सय ८५ कित्ता शेयर निष्काशन गरेको थियो।
कम्पनीले कास्कीको माछापुच्छ्रे गाउँपालिकामा २५ मेगावाट क्षमताको सेती नदी जलविद्युत् आयोजना निर्माण गरिरहेको ।स्थानीयलाई शेयर निष्काशन गर्दा बिक्री नभएको ४ लाख ८७ हजार ९ सय १० कित्ता समेत थपेर सर्वसाधारणलाई २० लाख ७५ हजार २ सय ८५ कित्ता शेयर निष्काशन भएको थियो।
कम्पनीले निष्कासन गरेको आईपीओमा अन्तिम दिनसम्ममा ६.५४ गुणा बढी आवेदन परेको छ । सीडीएस एन्ड क्लियरिङका अनुसार कम्पनीको आईपीओमा ११ लाख ९४ हजार ८२० जना आवेदकले १ करोड ३५ लाख ७६ हजार १६० कित्ताका लागि आवेदन दिएका छन् ।
