काठमाडौँ – साइबर अपराध गरेको आरोपमा पत्रकार दिलभूषण पाठकविरुद्ध जिल्ला अदालत काठमाडौँमा मुद्दा दायर भएको छ।
नेपाल प्रहरीको साइबर ब्यूरोको प्रतिवेदनको आधारमा जिल्ला सरकारी वकिलको कार्यालयले पाठकविरुद्ध जिल्ला अदालत काठमाडौँमा मुद्दा दायर गरेको हो।
साइबर ब्युरो ५९ नाममा परेको जाहेरीका आधारमा जिल्ला सरकारी वकिलको कार्यालयले विद्युतीय कारोबार ऐन २०६३ को दफा ४७ को विद्युतीय स्वरूपमा गैर कानुनी कुरा प्रकाशन गरेको कसुरमा एक लाख जरिवाना वा पाँच वर्ष कैद वा दुवै सजायको माग दाबीसहित मुद्दा दायर गरेको हो।
पाठकले युट्युब च्यानलमार्फत भिडियो प्रसारण गरी पीडितको सार्वजनिक नैतिकता र शिष्टाचारमा असर पार्ने गरी अफवाह फैलाइ चरित्र हत्या गरेको अभियोग पत्रका उल्लेख छ।
