काठमाडौँ । काठमाडौँको तारकेश्वरमा मोटरसाइकलको ठक्करबाट एक जना पैदलयात्रीको मृत्यु भएको छ ।
तारकेश्वर नगरपालिका वडा नं ३ पाँचमानेका नवीन घिमिरले चलाएको बा. ७४ प ४००५ नम्बरको मोटरसाइकलले ठक्कर दिँदा सोही नगरपालिकाको वडा नं ८ भेटघाट चोक निवासी अन्दाजी ७० वर्षीय कुलबहादुर आचार्यको मृत्यु भएको हो ।
हिजो राति करिब सवा ८ बजे मोटरसाइकलको ठक्करबाट गम्भीर घाइते भएका आचार्यलाई उपचारको लागि सिटी अस्पताल हुँदै ग्राण्डी अस्पताल पुर्याइएको थियो । उपचारकै क्रममा आचार्यको राति सवा ११ बजे मृत्यु भएको हो ।
मोटरसाइकल चालक घिमिरेलाई प्रहरी वृत्त बालाजुले नियन्त्रणमा लिएको छ ।
