काठमाडौँ । रास्वपाका सभापति रवि लामिछानेविरुद्ध अनुसन्धान चलिरहँदा उनका समर्थकहरूले प्रतिशोधपूर्ण तवरले फसाउन खोजिएको दाबी गर्दै पोखरामा प्रदर्शन गरेका छन् ।
सहकारी ठगी प्रकरणमा अनुसन्धान चलिरहेको लामिछानेलाई फसाउन अनेक खेल भइरहेको भन्दै प्रदर्शनकारीहरूले निषेधित क्षेत्र तोड्ने प्रयास गरेका छन् । आन्दोलनकारीले स्थिति भड्काउन थालेसँगै प्रहरीले अश्रुग्याँस प्रहार गरेको छ।
वाई चोकबाट उनीहरू निषेधित क्षेत्र तोकिएको सहिद चोक जान खोजेपछि प्रहरीले बल प्रयोग गरेको हो । प्रदर्शनमा सहभागीहरूले लामिछानेको रिहाइको माग गर्दै प्रतिशोधपूर्ण राजनीति नगर्न सरकारसँग माग गरेका छन् ।
