काठमाडौँ । परराष्ट्र मन्त्रालयकी सचिव समेत रहेकी सेवा लम्साल बेल्जियमका लागि राजदूत अनुमोदन भएकी छन्। बुधवार बसेको संसदीय सुनुवाइ समितिको बैठकले लम्साललाई सर्वसम्मत बेल्जियमका लागि राजदूतमा अनुमोदन गरेको हो।
लम्सालले आफूसँग भूराजनीतिमा काम गरेको अनुभव रहेको कारण देशको लागि मिल्ने कुरा गरेर देखाउने आत्मविश्वास व्यक्त गरेकी छिन् । साथै उनले आफ्नो कार्ययोजना प्रस्तुत गरेकी थिइन्। यस क्रममा उनले युरोपेली मुलुक र बहुपक्षीय फोरममा नेपालको राष्ट्रिय हितको संरक्षण, प्रवर्धनमा इमानदारीपूर्वक काम गर्ने प्रतिबद्धता जनाइन्।
भदौ १३ गते बसेको मन्त्रिपरिषद्को बैठकले लम्साललाई सिफारिस गरेको थियो। उनलाई मन्त्रिपरिषद्ले सिफारिस गरेपछि समितिको बैठकले अनुमोदन गर्ने वा नगर्ने विषयमा सुनुवाइ गरेको थियो। उनीविरूद्ध इजरायलका कार्यवाहक राजदूत कुमारबहादुर श्रेष्ठको उजुरी परेको थियो।
