काठमाडौँ । मंगलबार मेडिकल व्यवसायी दुर्गा प्रसाईँलाई स-सम्मान रिहाइको माग गर्दै उनका समर्थकले प्रदर्शन गरेका छन् । प्रसाईँ पक्राउ परेसँगै विभिन्न स्थानमा फरक फरक शैलीमा आन्दोलन गर्दै आएका उनीहरूले आज मुखमा कालो टेप लगाएर प्रदर्शन गरेका छन् ।
लघुवित्त तथा वित्तीय शोषण विरुद्धको सङ्घर्ष समिति नेपाल, चुरेभावर राष्ट्रिय एकता पार्टी नेपाल र नागरिक बचाउ महाअभियान नेपालले प्रसाईँको स सम्मान रिहाइको माग गर्दै माइतीघर मण्डलामा विरोध प्रदर्शन गरेका हुन्।
विद्युतीय कारोबार ऐन अन्तर्गत साइबर ब्युरोमा जाहेरी दर्ता भएपछि प्रसाईँलाई आइतबार भक्तपुरबाट पक्राउ परेका थिए । गत असोज २ मा जिल्ला अदालत काठमाडौँले उनलाई पक्राउ गर्न अनुमति दिएको थियो ।
