काठमाडौँ । दसैंपछि मंगलबार पहिलो दिन सेयर बजारमा हरियाली देखिएको छ। आज नेप्से सूचक ३१.४८ विन्दुले बढेर २६९९.६६ अंकमा आइपुगेको छ ।
आज ३०७ वटा कम्पनीहरुको ६३ लाख ४४ हजार कित्ता शेयर खरिद–बिक्री भएर तीन अर्ब ६ करोड रुपैयाँको कारोबार भएको छ । यस दिन उत्पादनमूलकबाहेक बाँकी सबै समूहका सूचक बढेका छन् । फाइनान्स समूहमा सबैभन्दा बढी ४.६१ प्रतिशतले वृद्धि भएको छ । २ कम्पनीको सेयर मूल्यमा आज सकारात्मक सर्किट लागेको छ ।
आज कुल २०५ वटा कम्पनीको शेयरमूल्य वृद्धि भएको छ भने ३२ वटा कम्पनीको मुल्य घटेको छ।
