काठमाडौँ । दसैं बिदा पछिको दोस्रो कारोवार दिन बुधवार सेयर बजारमा आज पनि हरियाली देखिएको छ। आज नेप्से परिसूचक ४३ दशमलव २२ अंकले बढेर २७४२.८८ को बिन्दुमा कायम भएको छ ।
आज ३२० कम्पनीहरुको एक लाख ३२ हजार कित्ता शेयर खरिद–बिक्री हुदाँ पाँच अर्ब ६६ करोड रुपैयाँको कारोबार भएको छ ।
बुधबार सबै उपसूचकहरुमा हरियाली छाएको छ । आज २०६ वटा कम्पनीहरुको शेयरमूल्य बृद्धि भएको छ भने ३५ कम्पनीको मुल्य घटेको छ।
आज नेपाल फाइनान्स र हिमालयन रि इन्स्योरेन्सको सर्वाधिक कारोबार भएको छ भने विजय लघुवित्तको शेयरमा सकारात्मक सर्किट लागेको छ ।
आज नेपाल फाइनान्सको १५ करोड नौ लाख रुपैयाँ र हिमालयन रि इन्स्योरेन्सको १५ करोड चार लाख रुपैयाँ कारोवार भएको छ ।
त्यस्तै, एनआइसी एशिया बैंकको १४ करोड रुपैयाँ, गूडविल फाइनान्सको १३ करोड रुपैयाँ र एचआईडीसी कम्पनीको १३ करोड रुपैयाँले सबैभन्दा बढी कारोबार भएको छ ।
