काठमाडौँ । साताको तेस्रो कारोबारका दिन शेयर बजारमा गिरावट आएको छ । आज नेप्से परिसूचक ३२ दशमलव २७ अंकले घटेर २६५८ दशमलव ४४ को बिन्दुमा कायम भएको छ ।
मंगलबार ३०० कम्पनीको १ करोड ३ लाख ३० हजार ५ सय २ कित्ता सेयर किनबेच हुँदा ४ अर्ब ५९ करोड ३७ लाख २७ हजार २४४.३४ रुपैयाँको कारोबार भएको छ । जसमा २०७ वटा कम्पनीको शेयरमूल्यमामा गिरावट आएको छ भने ३५ वटा कम्पनीको शेयरमूल्य बढेको छ।
आज २७ करोड १७ लाखभन्दा बढीसहित कारोबार रकममा एनएलजी इन्सुरेन्स अग्रस्थानमा रहेको छ । यसैगरी, दोस्रो र तेस्रो स्थानमा क्रमशः नेपाल फाइनान्स र हिमालयन रिइन्सुरेन्स रहेका छन् ।
सेयर बजारमा आज म्युचुअल फन्डबाहेक बाँकी सबै समूहका सूचक घटेका छन् । फन्डको सूचकमा भने कुनै पनि परिवर्तन भएको छैन ।
फेस्टिभ सिजनको कारणले नेप्से घटेको हुनसक्ने लगानीकर्ताहरुले अनुमान गरेका छन् । दसैंका कारण लगानीकर्ताको ध्यान घर जाने र बजारमा किनमेल गर्न तर्फ मोडीएकाले पनि बजार बढ्न नसकेको जानकारहरुको भनाई छ।
